Argentina prokuraturasi mamlakat prezidenti Kristina Fernandes de Kirshnerga nisbatan ilgari surilgan ayblovlarni olib tashladi. Bu haqda “RIA Novosti” xabar bermoqda.
Argentina federal prokurori Xavyer De Lukaning so‘zlariga ko‘ra, avvalroq prokuror Nisman tomonidan taqdim etilgan dalillar yetarli emas va Kirshnerning harakatlarida jinoyat alomatlari yo‘q.
1994-yili Buenos-Ayresdagi yahudiy madaniy markazida amalga oshirilgan portlash yuzasidan surishtiruv olib borgan prokuror Alberto Nisman yanvar oyida Kristina Kirshnerni, shuningdek, tashqi ishlar vaziri Ektor Timermanni omma oldida qoralab chiqqandi.
Nismanning bayonotiga ko‘ra, Kirshner va Timerman til biriktirgan holda, Argentina tomonidan Beunos-Ayresdagi portlashda aybdor deb gumon qilinayotgan eronliklarning “jazosi qolishlari”ni ta’minlashga uringan.
Bayonotidan ko‘p o‘tmay, Nisman o‘z uyida, qonga belangan o‘lik holida topildi. Hozircha tergov bu harakat qotillikmidi yoki o‘z joniga suiqasd – bu borada yakuniy xulosaga kelganicha yo‘q.
Argentina hukumati vakillari ushbu ayblovlarni tanqid qilib chiqishgan, prezident tarafdorlari esa buni “demokratiyaga tashlanish” sifatida baholashgandi. Mamlakatning ko‘plab yetakchi yuristlari ham Nisman tomonidan tayyorlangan ayblovlarni asossiz deb, tanqid qilishgandi.
Izoh (0)