Ukraina prezidenti Pyotr Poroshenko va BMT bosh kotibi Pan Gi Man Minsk kelishuvlari bajarilishining borishi va Donbassda tinchlikka erishish borasida olib borilayotgan xalqaro intilishlar borasida fikr almashdi. Bu haqda Ukraina prezidenti matbuot xizmati xabar bermoqda.
Ukraina prezidentining BMT bosh kotibiga ma’lum qilishicha, Ukraina Xalqaro Qizil xoch qo‘mitasi bilan hamkorlikda Donbass aholisiga gumanitar yuklarni yo‘naltirish va kechiktirib bo‘lmas gumanitar masalalarni hal etishga harakat qilmoqda.
Biroq, Poroshenkoning qayd etishicha, ayirmachi jangarilar Ukraina va xalqaro gumanitar yordam karvonlarining o‘tishiga xalal bermoqda. Pan Gi Mun Ukraina hukumatining murakkab gumanitar ahvolni hal qilishga qaratilgan harakatlarini qayd etib, nizo hududidan ko‘chishga majbur bo‘lganlarga yordam ko‘rsatayotgani uchun Ukraina xalqiga minnatdorlik bildirdi.
Pyotr Poroshenko BMT bosh kotibini onasi va advokatlari Nyu-Yorkda, o‘zi Rossiyada asirlikda qolayotgan Nadejda Savchenkoning ozod qilinishi uchun choralar ko‘rishga chaqirdi. Ukraina prezidentining qayd etishicha, Donbassda garovga olingan barcha shaxslar ozod etilishi shart.
Izoh (0)