Qrim va Sevastopol infratuzilmasini modernizatsiya qilishga 2020-yilgacha 700 milliard rubl yo‘naltirish rejalashtirilmoqda. Bu haqda Rossiya Qrim masalalari bo‘yicha vaziri o‘rinbosari Andrey Sokolovga tayanib, “Korrespondent.net” xabar berdi.
Uning aytishicha, 2015-yilning o‘zidayoq infratuzilma modernizatsiyasiga 113 milliard rubl ajratiladi, bu Sochida Olimpiada o‘yinlarini o‘tkazishga ketgan mablag‘ga qiyoslana oladi va Vladivostok infratuzilmasi modernizatsiyasiga ketgan xarajatlardan ko‘p bora oshadi.
“Mablag‘ hajmi oldimizda turgan vazifalar ko‘lamiga ham mosdir. Aslida barchasini — muhandislik infratuzilmasini ham, transport infratuzilmasini ham, energetikani ham modernizatsiya qilish zarur”, — deya ta’kidladi Andrey Sokolov.
Nashrning eslatishicha, Rossiya Sochida Olimpiada va Paralimpiada o‘yinlarini o‘tkazishga 214 milliard rubl sarflagan edi.
Izoh (0)