AQShda metro yo‘lovchisi yiqilib tushgan kishini qutqarish uchun relsga sakradi (video)

AQShning Filadelfiya shahridagi metro bekatlaridan birida perronda turgan yo‘lovchi qoqilib, relslar ustiga tushib ketdi, deya xabar bermoqda “Gazeta.ru”.

Poyezdni kutib turganlarning ko‘pchiligi o‘zini yo‘qotib qo‘ygan paytda, bir yigit qulagan kishiga yordamga shoshildi.

Jabrlanuvchi Alfred MakNamining umurtqa pog‘onasi jarohatlandi, qovurg‘alari sinib, tizzasiga shikast yetdi. Biroq poyezd yetib kelguniga qadar uni perronga qaytarib chiqarishga muvaffaq bo‘lishdi. Uning xaloskori — 28 yoshli Charlz Kollinz oyog‘idan kichik jarohat oldi.