Қрим ва Севастополь инфратузилмасини модернизация қилишга 2020 йилгача 700 миллиард рубль йўналтириш режалаштирилмоқда. Бу ҳақда Россия Қрим масалалари бўйича вазири ўринбосари Андрей Соколовга таяниб, «Корреспондент.net» хабар берди.
Унинг айтишича, 2015 йилнинг ўзидаёқ инфратузилма модернизациясига 113 миллиард рубль ажратилади, бу Сочида Олимпиада ўйинларини ўтказишга кетган маблағга қиёслана олади ва Владивосток инфратузилмаси модернизациясига кетган харажатлардан кўп бора ошади.
«Маблағ ҳажми олдимизда турган вазифалар кўламига ҳам мосдир. Аслида барчасини — муҳандислик инфратузилмасини ҳам, транспорт инфратузилмасини ҳам, энергетикани ҳам модернизация қилиш зарур», — дея таъкидлади Андрей Соколов.
Нашрнинг эслатишича, Россия Сочида Олимпиада ва Паралимпиада ўйинларини ўтказишга 214 миллиард рубль сарфлаган эди.
Изоҳ (0)