O‘tgan hafta mobaynida O‘zbekiston hududida 204 ta yong‘in hodisasi qayd etildi, deya xabar bermoqda O‘zbekiston Respublikasi Ichki ishlar vazirligi Yong‘in xavfsizligi xizmati bo‘limi.
Turli sabablarga ko‘ra sodir bo‘lgan yong‘inlarda 5 nafar fuqaro tan jarohatlari olgan va 1 nafar fuqaro halok bo‘lgan.
Qoraqalpog‘iston Respublikasi To‘rtkul tumani G‘alaba mahallasida yashovchi fuqaro R.Kamolovning uyida maishiy elektr asboblarini ishlatish vaqtida yong‘in xavfsizligi qoidalarining buzilishi natijasida yong‘in sodir bo‘lgan. Yong‘in natijasida uyning 16 kv. metr maydonda tomi, shift qismi va uy jihozlari yonib zararlangan hamda uy egasining akasi F.Kamolov tutundan dimiqqan holda shifoxonaga olib borilganda, ko‘rsatilgan tez-tibbiy yordamga qaramasdan vafot etgan.
Izoh (0)