Surxondaryo viloyati Angor tuman ichki ishlar bo‘limiga shu tumanda yashovchi 41 yoshli ayol murojaat qilib, “Toshkent—Termiz” yo‘nalishi bo‘yicha qatnovchi “Kobalt” rusumli avtomashinada Toshkent shahridan yo‘lovchi sifatida kelayotgan vaqtida yonidagi uch noma’lum shaxslardan biri uning sumkasidan katta miqdordagi pullarini o‘g‘irlab ketganligini ma’lum qildi, deya xabar bermoqda O‘zbekiston Respublikasi Ichki ishlar vazirligi matbuot xizmati.
Tuman ichki ishlar bo‘limi xodimlari tomonidan olib borilgan tezkor-qidiruv tadbirlari natijasida ushbu o‘g‘irlik jinoyatini mahalliy aholiga mansub 37 yoshli ayol sodir etgani to‘liq fosh etildi va u qo‘lga olindi.
Mazkur holat bo‘yicha jinoyat ishi qo‘zg‘atilib, hozirda tergov harakatlari olib borilmoqda.
Izoh (0)