Ўтган ҳафта мобайнида Ўзбекистон ҳудудида 204 та ёнғин ҳодисаси қайд этилди, дея хабар бермоқда Ўзбекистон Республикаси Ички ишлар вазирлиги Ёнғин хавфсизлиги хизмати бўлими.
Турли сабабларга кўра содир бўлган ёнғинларда 5 нафар фуқаро тан жароҳатлари олган ва 1 нафар фуқаро ҳалок бўлган.
Қорақалпоғистон Республикаси Тўрткул тумани Ғалаба маҳалласида яшовчи фуқаро Р.Камоловнинг уйида маиший электр асбобларини ишлатиш вақтида ёнғин хавфсизлиги қоидаларининг бузилиши натижасида ёнғин содир бўлган. Ёнғин натижасида уйнинг 16 кв. метр майдонда томи, шифт қисми ва уй жиҳозлари ёниб зарарланган ҳамда уй эгасининг акаси Ф.Камолов тутундан димиққан ҳолда шифохонага олиб борилганда, кўрсатилган тез-тиббий ёрдамга қарамасдан вафот этган.
Изоҳ (0)