2015-yilning 14-aprel kuni Farg‘ona viloyatining Qo‘shtepa tumanida noma’lum shaxs o‘zganing mulkini talon-taroj qilish maqsadida bir fuqaroning uyiga bostirib kirdi, deya xabar bermoqda O‘zbekiston Respublikasi Ichki ishlar vazirligi matbuot xizmati.
U jabrlanuvchini zo‘rlik ishlatish bilan qo‘rqitib, pul talab qilganida, ko‘rsatilgan faol qarshilik natijasida hech narsa olmay o‘z urinishlari behuda ekanini his etib voqea joyidan yashiringan.
Jinoyat joyiga yetib kelgan ichki ishlar xodimlari jabrlanuvchi hamda uning qo‘ni-qo‘shnilaridan surishtirib, voqea joyini ko‘zdan kechirib, jinoyatni sodir etishda gumonlanuvchilarning alohida belgilarini o‘rganib chiqdi.
Olib borilgan tezkor-qidiruv va surishtiruv harakatlari natijasida mazkur jinoyatni sodir etgan gumonlanuvchining shaxsi aniqlandi va u qo‘lga olindi.
Mazkur bosqinchilik bo‘yicha jinoyat ishi qo‘zg‘atilib, tergov harakatlari olib borilmoqda.
Izoh (0)