Yaponiyaning Fukusima prefekturasidagi korxonada ishlab chiqariladigan ichimlik suvi o‘z sifati uchun Monde Selection nufuzli xalqaro mukofotini qo‘lga kiritdi, deya xabar bermoqda “TASS” mahalliy hukumatga tayanib.
Maxsus komissiya suv oltin medalga loyiq bo‘lish uchun qo‘yiladigan barcha talablarga javob berishini e’tirof etdi.
Fukusima hukumati yangi maqom suvning butun Yaponiya bo‘yicha ommalashishida turtki bo‘lishiga umid qilmoqda. Bundan tashqari, ularning fikricha, mukofot prefektura hududida ishlab chiqariladigan barcha mahsulotlar uchun katta ahamiyatga ega, chunki 2011-yil martida “Fukusima-1” AESdagi halokatdan so‘ng ularning nufuzi ancha tushgan edi.
Izoh (0)