Saudiya Arabistonining Tehrondagi elchixonasi yonida ushbu diplomatik vakolatxonani yopish talabi bilan ommaviy namoyish o‘tkazildi, deya xabar bermoqda “TASS”.
Namoyishchilar nafaqat elchixonani yopishni, balki ziyoratchilarning Saudiya Arabistoniga borishlarini taqiqlashni ham talab qildi. Ular Saudiya Arabistonining Jidda shahridagi aeroportda ikki eronlik o‘smirning jinsiy zo‘ravonlikka uchrashi yuzasidan tergov o‘tkazishni so‘ramoqda.
Bir kun avval bunday ommaviy norozilik aksiyasi Mashhad shahridagi elchixona qarshisida ham bo‘lib o‘tdi. Ular yuqoridagi ikki talabdan tashqari, Saudiya Arabistoni va koalitsiya tomonidan Yaman hududi bo‘ylab berilayotgan aviazarbalar to‘xtatilishini qat’iy so‘radi.
Izoh (0)