Malayziyalik kriminalistlar Donbassdagi Boeing halokati joyida ish boshlaydi
Malayziyalik kriminalistika mutaxassislari Boeing-777 halokatga uchragan joyda qolgan ashyoviy dalillarni iloji boricha ko‘proq yig‘ib olish maqsadida Donetskda “kamida 2—3 hafta” qolmoqchi. Bu haqda “Donetsk xalq respublikasi”ga yetib kelgan malayziyalik ekspertlar guruhi rahbari Husayn Umar Xonga tayanib, “TASS” xabar berdi.
Malayziya vakili aytishicha, ular oldiga qo‘yilgan vazifalar jumlasiga halokat qurbonlari murdalarini, shuningdek hodisa bilan bog‘liq ashyoviy dalillarni topish kiradi. Ushbu operatsiyada Niderlandiya va Ukraina mutaxassislari ham qatnashadi.
O‘z navbatida DXR Xalq Kengashi vitse-spikeri Denis Pushilin DXR hukumati malayziyalik ekspertlar niyatidan boxabar ekanligi va ularni barcha zarur narsalar bilan ta’minlashga harakat qilishini aytdi.
