Япониянинг Фукусима префектурасидаги корхонада ишлаб чиқариладиган ичимлик суви ўз сифати учун Monde Selection нуфузли халқаро мукофотини қўлга киритди, дея хабар бермоқда ТАСС маҳаллий ҳукуматга таяниб.
Махсус комиссия сув олтин медалга лойиқ бўлиш учун қўйиладиган барча талабларга жавоб беришини эътироф этди.
Фукусима ҳукумати янги мақом сувнинг бутун Япония бўйича оммалашишида туртки бўлишига умид қилмоқда. Бундан ташқари, уларнинг фикрича, мукофот префектура ҳудудида ишлаб чиқариладиган барча маҳсулотлар учун катта аҳамиятга эга, чунки 2011 йил мартида «Фукусима-1» АЭСдаги ҳалокатдан сўнг уларнинг нуфузи анча тушган эди.
Изоҳ (0)