Ukraina prezidenti Pyotr Poroshenko 1939-yil sentabrida Ikkinchi jahon urushini Adolf Gitler Iosif Stalin bilan birgalikda boshlaganini aytdi, deb yozadi Meduza.
Poroshenko so‘zlariga ko‘ra, ular Yevropani bo‘lib olmoqchi bo‘lgan. “Anshlyus, anneksiya, okkupatsiya — sharqiy qo‘shnimiz xotiramizdagi bu so‘zlarni yangiladi xolos”, — dedi Ukraina prezidenti.
Poroshenko bu haqda siyosiy repressiyalar qurbonlari dafn etilgan “Bikovnyanskiye mogili” tarixiy-memorial qo‘riqxonasida Polsha prezidenti Bronislav Komorovskiy bilan birgalikdagi marosimda so‘zlagan nutqida aytib o‘tdi.
Eslatib o‘tamiz, Ukraina Oliy Radasi 9-aprel kuni Ulug‘ Vatan urushi terminini qo‘llashdan voz kechdi —Ikkinchi jahon urushining barcha qurbonlari xotirasi uchun 8-mayni Xotira va murosa kuni deb belgilash, shuningdek, 9-mayni Ikkinchi jahon urushida natsizm ustidan qozonilgan G‘alaba kuni sifatida qoldirish haqidagi qonun loyihasini qabul qildi.
Izoh (0)