Украина президенти Пётр Порошенко 1939 йил сентябрида Иккинчи жаҳон урушини Адольф Гитлер Иосиф Сталин билан биргаликда бошлаганини айтди, деб ёзади Meduza.
Порошенко сўзларига кўра, улар Европани бўлиб олмоқчи бўлган. «Аншлюс, аннексия, оккупация — шарқий қўшнимиз хотирамиздаги бу сўзларни янгилади холос», — деди Украина президенти.
Порошенко бу ҳақда сиёсий репрессиялар қурбонлари дафн этилган «Быковнянские могилы» тарихий-мемориал қўриқхонасида Польша президенти Бронислав Коморовский билан биргаликдаги маросимда сўзлаган нутқида айтиб ўтди.
Эслатиб ўтамиз, Украина Олий Радаси 9 апрель куни Улуғ Ватан уруши терминини қўллашдан воз кечди —Иккинчи жаҳон урушининг барча қурбонлари хотираси учун 8 майни Хотира ва муроса куни деб белгилаш, шунингдек, 9 майни Иккинчи жаҳон урушида нацизм устидан қозонилган Ғалаба куни сифатида қолдириш ҳақидаги қонун лойиҳасини қабул қилди.
Изоҳ (0)