Ukraina obligatsiyalarining besh nafar eng yirik egalari ayni paytda qarzni kamaytirishni nazarda tutmaydigan restrukturizatsiya rejasini ishlab chiqmoqda, deya xabar berdi “Korrespondent.net”. Ushbu aksiyadorlar mamlakatga 10 milliard dollar kredit taqdim etgan edi.
Bu orada Ukraina hukumati kredit taqdim etish shartlarini o‘zgartirishga urinmoqda. Qarzni restrukturizatsiya qilish qo‘mitasi muammoni hal qilishning boshqa yo‘lini taklif etib, “Ukrainani zarur moliyaviy quvvatlilik bilan ta’minlash” imkonini beruvchi rejani ishlab chiqmoqda.
“Albatta, kreditorlar Ukraina hukumati bilan qarzning o‘zini ko‘p kamaytirmasdan bitim tuzishga harakat qiladi, biroq ular bunga erishishi amri mahol. Ukrainaning tashqi qarzi yalpi ichki mahsulotga nisbatan shundoq ham tebranib turibdi, iqtisodiy ko‘rsatkichlar esa tushib bormoqda”, — dedi Rogge Global Partners PLC kompaniyasi rivojlanayotgan bozorlar departamenti rahbari.
Nashrning eslatishicha, Ukraina Xalqaro valyuta fondidan navbatdagi transhni qabul qilish uchun kreditorlar bilan may oxirigacha bitim tuzishi kerak.
Izoh (0)