Shimoliy Koreya yaqin masofaga uchuvchi ikkita raketani AQSh mudofaa vaziri Eshton Karterning Seulga tashrifi arafasida Sariq dengiz hududida uchirdi, deya xabar bermoqda “RIA Novosti”.
Ko‘chma platformadan uchirilgan KN-06 raketalari bir necha o‘n kilometr uchib, dengizga qulagan. Bu turdagi raketalar samolyotlarni urib tushirishga mo‘ljallangan.
KXDR 3-aprel kuni ham Sariq dengiz hududida KN-02 turkumidagi to‘rtta raketa uchirgan edi.
Janubiy Koreya hamda G‘arb davlatlari OAVlari ma’lumotlariga ko‘ra, Pxenyan yangi qit’alararo KN-08 turkumiga kiruvchi ballistik raketa ishlab chiqmoqda.
Avvalroq bu haqda Shimoliy Amerika havo-kosmik mudofaa qo‘mondonligi boshlig‘i admiral Uilyam Gortni ham ma’lum qilgan edi. Uning so‘zlariga ko‘ra, KXDR allaqachon KN-08 raketalarini o‘z hududiga o‘rnatib bo‘lgan.
Izoh (0)