Ukraina prezidenti Pyotr Poroshenko O‘zbekiston prezidenti Islom Karimovni davlat rahbari lavozimiga qayta saylangani bilan tabriklab, maktub yubordi, deya xabar bermoqda “Noviy vek” nashri Ukrainaning Toshkentdagi elchisi Yuriy Savchenkoga tayanib.
Ukraina prezidenti Islom Karimovga milliy iqtisodiyot modernizatsiyasidagi keng ko‘lamli dasturlarni amalga oshirishda, barqarorlik va tinchlik omilini belgilovchi demokratik institutlarni har tomonlama rivojlantirishda muvaffaqqiyatlar tiladi.
Poroshenko shuningdek, Ukraina va O‘zbekiston o‘rtasidagi do‘stona va o‘zaro manfaatli aloqalar yanada rivojlanishiga umid bildirib qoldi.
Eslatib o‘tamiz, Markaziy saylov komissiyasi tomonidan e’lon qilingan O‘zbekiston Prezidenti saylovining dastlabki natijalariga binoan Islom Karimovga saylovchilarning 90,39 foizi ovoz bergani ma’lum bo‘ldi.
Izoh (0)