Yadroviy tadqiqotlar bo‘yicha Yevropa tashkiloti (YaTYeT) Katta adron kollayderi (KAK)ni qaytadan ishga tushirdi, deya xabar bermoqda “Korrespondent.net”.
KAK halqasidan protonlarning ilk tutami o‘tdi. Tutamlar izlari CMS tajribasi sifatida qayd etildi. Tezlatuvchi majmuada to‘liq tajribalar bir necha oydan so‘ng o‘tkazila boshlaydi. Ushbu ish mavsumida tezlatuvchi energiyasi bir tutamga 6,5 teraelektronvoltga yetishi rejalashtirilmoqda.
KAKdagi eksperimentlar 2013-yil fevralida to‘xtatilgan, kollayderning o‘zi esa uch yillik faol ishlashdan so‘ng reja bo‘yicha ta’mirlash uchun yopilgan edi.
Katta adron kollayderi — zaryadlangan zarralarni tezlatuvchi majmua. U Fransiya va Shveysariya chegarasida, yer sathidan 175 metr pastda joylashgan. Aylana shaklida qurilgan tunnel uzunligi 27 km. U dunyodagi eng katta va quvvatli zarracha tezlatkichidir.
Izoh (0)