Uzmobile milliy mobil aloqa operatori direktori etib bungacha Uzdigital TV raqamli televideniye operatorini boshqargan Shuhrat Qodirov tayinlandi, deya xabar bermoqda “Gazeta.uz”.
Uzdigital TV’ning yangi bosh direktori Farhod Karimov bo‘ldi, u bungacha O‘zbekiston Milliy teleradiokompaniyasida ishlagan.
“O‘zbektelekom” aksiyadorlik kompaniyasining Uzmobile filiali 2004-yildan buyon CDMA-450 standartidagi mobil aloqa xizmatini ko‘rsatib kelmoqda.
2014-yil fevralida Uzmobile’ga milliy mobil aloqa operatori maqomi berilishi va kompaniyani GSM tarmog‘iga aylantirish haqida qaror qabul qilindi. GSM Uzmobile tarmog‘i Toshkent shahri va viloyatida yaqin orada ishga tushirilishi kutilmoqda.