Uzmobile миллий мобил алоқа оператори директори этиб бунгача Uzdigital TV рақамли телевидение операторини бошқарган Шуҳрат Қодиров тайинланди, дея хабар бермоқда «Газета.uz».
Uzdigital TV’нинг янги бош директори Фарҳод Каримов бўлди, у бунгача Ўзбекистон Миллий телерадиокомпаниясида ишлаган.
«Ўзбектелеком» акциядорлик компаниясининг Uzmobile филиали 2004 йилдан буён CDMA-450 стандартидаги мобил алоқа хизматини кўрсатиб келмоқда.
2014 йил февралида Uzmobile’га миллий мобил алоқа оператори мақоми берилиши ва компанияни GSM тармоғига айлантириш ҳақида қарор қабул қилинди. GSM Uzmobile тармоғи Тошкент шаҳри ва вилоятида яқин орада ишга туширилиши кутилмоқда.
Изоҳ (0)