Исроилда бугун, 17 март куни Кнессет (Исроил парламенти)га муддатидан аввалги сайловлар бошланди, дея хабар бермоқда Meduza.
11 660 га яқин сайлов участкалари маҳаллий вақт билан 7:00 да очилди. Исроилда 5,8 миллион киши овоз бериш ҳуқуқига эга.
Сайлов участкалари маҳаллий вақт бўйича 20:00 га қадар ишлайди. Участкалар ёпилиши биланоқ Исроил ОАВлари exit poll натижаларини эълон қилади. Овоз бериш бўйича дастлабки расмий маълумотлар маҳаллий вақт билан 21:00 да тақдим этилиши кутилмоқда.
Сайлов варақасига 25 та партия ва блоклар киритилган. Асосий жанг бош вазир Биньямин Нетаньяхунинг «Ликуд» партияси ва «Сионистик лагерь» блоки ўртасида бўлиши кутилмоқда. Ушбу блокнинг раисдошлари «Авода» етакчиси Ицхак Герцог ва собиқ ташқи ишлар вазири Ципи Ливнидир.
Изоҳ (0)