Istanbul sudi Turkiya prezidenti Rajab Toyyib Erdo‘g‘onni san’at asarini haqoratlashda aybdor deb topdi va unga muallifga axloqiy zarar yetkazgani uchun 10 ming lira (4 ming dollar) tovon to‘lash majburiyatini yukladi, deya xabar bermoqda Hurriyet nashri.
Sudda prezident manfaatlarini himoya qilgan advokat siyosatchining san’at asarini haqoratlamagani, balki tanqid qilganini ta’kidladi.
Yodgorlik muallifi haykaltarosh Mehmet Aksoy o‘z shikoyatida aytishicha, 2011-yilda barpo etilayotgan obyektga tashrifi chog‘ida o‘sha vaqtda bosh vazir lavozimini egallab turgan Erdo‘g‘on san’at asarini xunuk deb atagan. Aksoy buni haqorat deb bilgan. U siyosatchidan tovon puli sifatida 100 ming lira talab qildi.
Izoh (0)