Eron AQSh prezidenti Barak Obamaning mamlakat yadro dasturini kamida 10 yilga muzlatib qo‘yish taklifini nomaqbul deb atadi. Bu haqda Eron tashqi ishlar vaziri Muhammad Javad Zarif so‘zlariga tayanib, “RIA Novosti” xabar berdi.

Eron TIV rahbari Obama bayonotini Amerika auditoriyasiga qaratilgan reklama kampaniyasining bir qismi sifatida baholadi.

Javad Zarif uning mamlakati “haddan tashqari va mantiqsiz” talablarni qabul qilmasligi, biroq yadroviy muzokaralarni davom ettirishga tayyor ekanligini ta’kidladi.

Eslatib o‘tamiz, Obama bu shartni AQSh Eron tomonidan atom quroli yaratilishiga to‘sqinlik qiluvchi boshqa choralarni qo‘llamasligi garovi sifatida keltirdi. Shu bilan birga, prezident kongressni yadro dasturidan tiyilish bo‘yicha muzokaralar borayotgan vaqtda Eronga qarshi qo‘shimcha sanksiyalar kiritmaslikka chaqirdi. Obamaning fikricha, senatorlarning aralashuvi barcha diplomatik muvaffaqiyatlarni yo‘qqa chiqarishi mumkin.