Истанбул суди Туркия президенти Ражаб Тоййиб Эрдўғонни санъат асарини ҳақоратлашда айбдор деб топди ва унга муаллифга ахлоқий зарар етказгани учун 10 минг лира (4 минг доллар) товон тўлаш мажбуриятини юклади, дея хабар бермоқда Hurriyet нашри.
Судда президент манфаатларини ҳимоя қилган адвокат сиёсатчининг санъат асарини ҳақоратламагани, балки танқид қилганини таъкидлади.
Ёдгорлик муаллифи ҳайкалтарош Меҳмет Аксой ўз шикоятида айтишича, 2011 йилда барпо этилаётган объектга ташрифи чоғида ўша вақтда бош вазир лавозимини эгаллаб турган Эрдўғон санъат асарини хунук деб атаган. Аксой буни ҳақорат деб билган. У сиёсатчидан товон пули сифатида 100 минг лира талаб қилди.
Изоҳ (0)