Жанубий Кореядаги Korea Hydro and Nuclear Power Co Ltd (KHNP) атом электр станциялари операторининг компьютер тизимлари хакерлар ҳужумига учради. Бу ҳақда компания баёнотига таяниб, «Корреспондент.net» хабар берди.
Хакерлар ядровий мосламалар, жумладан мамлакатдаги 23 та атом реакторлари учун хавф келтириши мумкин бўлган ҳеч қандай маълумотларни олмаган. Шундай бўлса-да, экспертлар уларнинг хавф остида бўлиши мумкинлигини таъкидламоқда.
Компьютер тизимларига ҳужум Шимолий Кореянинг АҚШ томонидан Sony Pictures кинокомпаниясига киберҳужумда айбланаётган бир пайтда содир бўлгани экспертлар ва ОАВларга ушбу хатти-ҳаракатлар бошида ҳам КХДР турганини тахмин қилиш учун асос бўлди.
Айни пайтда ҳукумат киберҳужум уюштирилиши факти бўйича тергов ишлари олиб бормоқда.
Изоҳ (0)