Қирғизистоннинг Иссиқкўл вилоятида иш берувчилар вояга етмаган қизни 15 минг сом ва битта қўй эвазига сотиб юборди, дея хабар бермоқда «КирТАГ» вилоят Ички ишлар бошқармасига таяниб.
«Тон тумани Ички ишлар бўлимига Қоракўл туманида яшовчи 35 ёшли аёл мурожаат қилиб, 14 ёшли қизи октябрь ойида Тон туманидаги тамаддихонада ишлаш учун жўнаб кетгани, шундан буён ундан хабар йўқлигини маълум қилди», — дейилади хабарда.
Текширув давомида милиция ходимлари тамаддихона ижарачилари қизни Чуй вилоятидаги Кичи-Кемин қишлоғи фуқаросига 15 минг сом ва битта қўй эвазига бериб юборганини аниқлади.
Айни пайтда ушбу факт бўйича ҳужжатлар тергов органларига топширилган, қиз оиласига қайтарилди.
Изоҳ (0)