Sentabrda e’lon qilinganidek, 2014-yilda geosiyosiy vaziyat o‘zgargani munosabati bilan Rossiya yangi harbiy doktrinani ishlab chiqadi. “RBK” yozishicha, harbiylar ogohlantiruvchi yadro zarbasi berishga huquq haqida nizom kiritishni yoqlab chiqishgan, biroq doktrinaning yakuniy tahririga ushbu nizom kiritilmaydi.
Rossiya harbiy doktrinasida yadro qurolini qo‘llash shartlari aniq-ravshan qilib keltiriladi, biroq unga ogohlantiruvchi yadroviy zarba haqidagi nizom kiritilmaydi.
“Hujjatning 18-moddasida Rossiya strategik qurol-yarog‘larini qo‘llash shartlari aniq qilib izohlangan. Agar Rossiya Federatsiyasi suvereniteti va hududiy yaxlitligi yo‘q qilinish xavfi ostida bo‘lsa, ular qo‘llanilishi mumkin”, — dedi hujjatni ishlab chiqishda ishtirok etayotgan kishilardan biri.
Yangi harbiy doktrinani ishlab chiqish Vladimir Putin topshirig‘i bilan 2014-yil sentabrida boshlangan edi. O‘shanda Rossiya Xavfsizlik kengashi kotibi o‘rinbosari Mixail Popov harbiy doktrinaga kiritiladigan o‘zgartirishlar NATOning kengayishi, Ukraina sharqidagi tanglik va uning atrofidagi voqealar bilan bog‘liqligini aytgan edi.
Izoh (0)