Сентябрда эълон қилинганидек, 2014 йилда геосиёсий вазият ўзгаргани муносабати билан Россия янги ҳарбий доктринани ишлаб чиқади. «РБК» ёзишича, ҳарбийлар огоҳлантирувчи ядро зарбаси беришга ҳуқуқ ҳақида низом киритишни ёқлаб чиқишган, бироқ доктринанинг якуний таҳририга ушбу низом киритилмайди.
Россия ҳарбий доктринасида ядро қуролини қўллаш шартлари аниқ-равшан қилиб келтирилади, бироқ унга огоҳлантирувчи ядровий зарба ҳақидаги низом киритилмайди.
«Ҳужжатнинг 18-моддасида Россия стратегик қурол-яроғларини қўллаш шартлари аниқ қилиб изоҳланган. Агар Россия Федерацияси суверенитети ва ҳудудий яхлитлиги йўқ қилиниш хавфи остида бўлса, улар қўлланилиши мумкин», — деди ҳужжатни ишлаб чиқишда иштирок этаётган кишилардан бири.
Янги ҳарбий доктринани ишлаб чиқиш Владимир Путин топшириғи билан 2014 йил сентябрида бошланган эди. Ўшанда Россия Хавфсизлик кенгаши котиби ўринбосари Михаил Попов ҳарбий доктринага киритиладиган ўзгартиришлар НАТОнинг кенгайиши, Украина шарқидаги танглик ва унинг атрофидаги воқеалар билан боғлиқлигини айтган эди.
Изоҳ (0)