Ramzan Qodirov Ukraina Oliy Radasi millatchi Radikal partiya deputati Igor Mosiychukning Checheniston Respublikasi rahbari fotosuratini otib tashlagani aks etgan videoga izoh bildirdi, deya xabar bermoqda “RBK”.
U Mosiychukni “qo‘rqoq va nosog‘lom odam” deb atadi. Avvalroq Mosiychuk internetga video joylagan edi, unda u dastlab Qodirovga tahdid qilib, so‘ng uning fotosuratini otib tashlagani muhrlangan.
4-dekabrga o‘tar kechasi Checheniston poytaxti Grozniy shahriga jangarilar guruhi hujum qilgan, uzoq davom etgan otishmalardan so‘ng 10 nafar jangari yo‘q qilingan va 14 nafar politsiyachi halok bo‘lgan edi. Shundan so‘ng Qodirov respublika huquqni himoya qilish organlariga Ukraina xalq deputatlari Yuriy Beryoza, Andrey Levus va Igor Mosiychukka nisbatan “zudlik bilan” jinoiy ish ochib, ularni Chechenistonga keltirishni buyurgan edi. Qodirov buni Grozniyda bo‘lgan voqealarga ularning aloqadorligini tekshirib ko‘rish zarurligi bilan izohladi.
Ushbu deputatlarga nisbatan jinoiy ish qo‘zg‘atilib, ular xalqaro qidiruvga ham berildi. Ukraina xavfsizlik xizmati esa Qodirovning tahdidlari yuzasidan ish ochib, Ukraina parlamenti a’zolari himoyasini kuchaytirdi.
Izoh (0)