AQShning Missuri shtatida 10-dekabr, chorshanba kuni tongda 1998-yilda qo‘shnisini bolg‘a bilan urib o‘ldirgan 48 yoshli Pol Gudvin qatl etildi, deya xabar bermoqda Interfax.
O‘lim keltiruvchi inyeksiya shu yil hisobidan o‘ninchi bor qo‘llanildi, bu bilan Missuri o‘lim jazolari ijrosi soni bo‘yicha Texas bilan tenglashib oldi.
Zahar kiritilganidan sakkiz daqiqacha o‘tib, Gudvin vafot etdi.
Avvalroq qatl etilgan shaxsning advokatlari AQSh Oliy sudiga murojaat qilib, Gudvinning aql-idroki past ekanligini dalil qilib keltirgan edi. Shunga qaramay, oliy sud ushbu vajni ishonchsiz deb topdi va apellyatsiyani rad etdi.
Izoh (0)