AQShning Los-Anjeles shahrida yashovchi Jorj Prior salomatlikka ta’sirni bilish maqsadida bir oy davomida kuniga 10 bankadan Coca-Cola ichib turdi, deb xabar bermoqda The Daily Mirror.
50 yoshli erkakning aytishicha, uni ayniqsa ichimlik tarkibidagi ortiqcha shakarning ta’siri qiziqtirgan. Tajriba natijasida uning vazni 76 kilogrammdan 86 kilogrammga o‘zgargan bo‘lsa, qon bosimi 129/77 dan 145/96 ga o‘zgargan. Qayd etilishicha, ushbu ko‘rsatkichlar me’yordan ancha yuqori hisoblanadi.
Priorning so‘zlariga ko‘ra, birmuncha vaqt o‘tib unda ichimlikka o‘rganish paydo bo‘lgan. Bundan tashqari, u doim shirinlik yeyishni istayotganini his qila boshlagan va bunday holatni avval tuymaganini ta’kidlagan. Biroq tajriba davomida u faqatgina tarkibida uglevod miqdori kam mahsulotlarni iste’mol qilgan.
100 gramm Coca-Cola tarkibida 10,2 gramm shakar mavjud bo‘lib, bu doimiy tanqidlarga sabab bo‘lib keladi. Natijada 2014-yil boshida kompaniya shakar miqdori 3 martaga kamaytirilgan Coca-Cola Life ichimligini taqdim etdi.
Izoh (0)