2-dekabr kuni Londonda Victoria’s Secret brendining shou dasturi bo‘lib o‘tdi, deya xabar bermoqda “Podrobno.uz”. Unda 47 nafar go‘zallar orasida birinchi marta asli buxorolik bo‘lgan 22 yoshli Irina Sharipova ham qatnashdi.
Irina bilan birgalikda podiumga Adriana Lima, Alessandra Ambrosio, Dautsen Kryoz, Bexati Prinslu kabi dunyoga mashhur modellar ko‘tarildi.
Nashrning qayd etishicha, modellar uchun Victoria’s Secret namoyishida chiqish huquqini qo‘lga kiritish aktrisalar uchun Oskar mukofoti olish bilan barobardir.
Irina Sharipova 1992-yilda Buxoroda tug‘ilgan. 7 yoshida onasi bilan Tataristonga ko‘chib ketgan va Qozon Davlat texnologiya universitetiga o‘qishga kirgan. 2010-yilda Irina “Tatariston go‘zali”ga aylanib, “Rossiya go‘zali” tanlovida 2-o‘rinni egallagan. “Dunyo go‘zali”da Rossiya nomidan ishtirok etgach, uni turli modalar uylari ishga taklif qila boshlagan.
Ayni paytda Irina Nyu-Yorkda yashab, Woman Model Management model agentligi bilan ishlamoqda.
Izoh (0)