Amerikalik olimlar ijtimoiy tarmoqlar inson xulq-atvorini o‘rganishda ishonchli manba emasligini aniqladi, deya xabar bermoqda nia-rf.ru. Masalan, Twitter va Facebook’dan foydalanib, kishilar haqidagi ma’lumotlarni tahlil qilish ular to‘g‘risida to‘liq va xolis axborot bermaydi.
Mutaxassislar fikricha, muammo shundaki, onlayn-servislar xodimlari axborot oqimini yaratish yoki filtrlash uchun o‘z algoritmlaridan foydalanadi va ushbu algoritmlar ogohlantirishsiz o‘zgartirilishi mumkin. Bundan tashqari, bunday saytlardagi odamlarning barchasi ham haqiqiy emas: tarmoqda soxta akkauntlar ko‘p bo‘lib, ulardagi barcha ma’lumotlar qalbakidir.
Bugungi kunda ijtimoiy tarmoqlarni tahlil qilish G‘arb jamiyatshunosligida rivojlanayotgan yo‘nalishlardan biridir. U xususiy sektordagi firmalar tomonidan mijozlar bilan aloqada bo‘lish, marketing va biznes-tahlil kabi faoliyatlarda qo‘llaniladi.
Shuningdek, razvedka, kontrrazvedka va huquqni muhofaza qilish tadbirlarida ijtimoiy tarmoqlar tahliliga murojaat qilinadi.
Izoh (0)