Hindistonlik opa-singillar avtobusda o‘zlariga shilqimlik qilgan tajovuzkor erkaklarga munosib qarshilik ko‘rsatib, maqtovga sazovor bo‘ldi, deya xabar bermoqda Euronews.
Ushbu voqea aks etgan video internetda tarqalib ketgach, opa-singillar jasur qizlar sifatida tanildi. Kadrlarda avtobus salonida ko‘plab yo‘lovchilar bo‘lgani, biroq ular hodisani jimgina o‘tirib kuzatganini ko‘rish mumkin. Haydovchi ham voqeaga e’tiborsizlik bilan munosabatda bo‘lgan.
Video internetga joylangach, politsiya gumonlanuvchi shaxslarni qo‘lga oldi. Ikki yil avval Nyu-Delidagi avtobusda ham shunga o‘xshash holat sodir bo‘lgan, o‘shanda bir guruh erkaklar talaba qizni urib, zo‘rlab ketgan edi. Statistika ma’lumotlariga ko‘ra, Hindistonda har 22 daqiqada qizlarni zo‘rlash sodir bo‘ladi.
Izoh (0)