Politsiya ofitserini quchoqlab yig‘lab turgan namoyishchi surati internet foydalanuvchilari e’tiborini tortdi — ayni paytgacha uni 400 mingdan ortiq Facebook foydalanuvchilari bir-biri bilan bo‘lishdi. Bu haqda “RIA Novosti” xabar bermoqda.
12 yoshli Devon Hart AQShning Oregon shtati Portlend shahrida maslahatchilar sudi hukmiga qarshi yuzaga kelgan norozilik aksiyalaridan birida qatnashgan edi. Sud Fergyuson shahrida 18 yoshli afro-amerikalik o‘smirni otib qo‘ygan politsiyachini oqlab hukm chiqargani uchun 38 ta shtatda tartibsizliklar yuzaga kelgan. Namoyishlar chog‘ida Hart qo‘lida “Bepul bag‘rimga bosaman” (Free hugs) yozuvi tushirilgan taxtachani ko‘tarib yurgan.
Mustaqil fotosuratchi tomonidan kadrga muhrlanib, The Oregonian nashrida chop etilgan suratda Portlend politsiyasi serjanti Bret Barnum yig‘lab turgan bolakayni quchib turgani aks etgan.
Izoh (0)