AQShdagi Atlanta shahrida yuz bergan otishma chog‘ida it yosh bolaning hayotini saqlab qoldi, deya xabar bermoqda Fox News. Hodisa savdo markazlaridan biri yonidagi mashinalar to‘xtash joyida sodir bo‘ldi.
Politsiya ma’lumotlariga ko‘ra, ikki haydovchi o‘rtasida kelishmovchilik yuzaga kelgan paytda ulardan biri to‘pponcha olib, ikkinchisining avtomobiliga qarata o‘q uza boshlagan. Bu paytda mashina ichida ayol, uch bola va bir it bo‘lgan.
Guvohlarning aytishicha, Noy laqabli kuchuk bolalardan biriga sakrab otilgan va o‘q yegan, shu tariqa u bolakayni qutqarib qolgan. Ovcharka it olgan jarohati tufayli halok bo‘lgan. Otishmada boshqa hech kim zarar ko‘rmagan. Xabar berilishicha, o‘q uzgan kishi hibsga olinmagan.
Izoh (0)