AQShning Missuri shtati Fergyuson shahrida 18 yoshli afro-amerikalikni otib o‘ldirgan politsiyachi Darren Uilson AQSh huquqni muhofaza qilish organlaridan bo‘shadi, deya xabar bermoqda “Vedomosti”.

29-noyabr, shanba kuni uning advokati Nil Brantreyger iste’fo to‘g‘risidagi ariza zudlik bilan kuchga kirishini ma’lum qildi.

Uilson o‘z arizasida Fergyuson fuqarolari va politsiyasi xodimlarini xavf ostiga qo‘ymaslik uchun ishdan ketayotganini qayd etdi va bu tartibsizliklarga barham berishiga umid bildirdi.

9-avgust kuni bo‘lib o‘tgan fojiadan keyin Fergyuson politsiya boshqarmasida olti yildan buyon ishlab kelayotgan Uilson ma’muriy ta’tilga chiqarilgan edi. Advokati so‘zlariga ko‘ra, u shuncha vaqt davomida jismoniy jazodan qo‘rqib, yashirinib yurishga majbur bo‘lgan.

Eslatib o‘tamiz, avgust oyida 18 yoshli qoratanli o‘smirni otib qo‘ygani uchun politsiyachi Darren Uilson qamoqqa olingan edi. 25-noyabr kuni AQShning Missuri shtati Sent-Luis sudi prokurori Bob Makkalok uning oqlanganini e’lon qildi. Hukmdan norozi bo‘lganlar 38 ta shtatda tartibsizliklarni yuzaga keltirdi.