Prostata bezi saratoni tashxisi qo‘yilgan Tanzaniya prezidenti Jakaya Kikvete sog‘ayganini e’lon qildi, deya xabar bermoqda “TASS”.
Noyabr boshida u AQShning Merilend shtati Baltimor shahridagi Jon Xopkins kasalxonasida muvaffaqiyatli operatsiya qilindi.
“2013-yil sentabrida menga prostata saratoni tashxisini qo‘yishgan edi, biroq hozir men soppa-sog‘man”, — deya bayonot berdi u vataniga qaytgach.
64 yoshli Kikvete shifokorlar unga sog‘ayganini aytganini ma’lum qildi va o‘zini yaxshi his qilayotganini ta’kidladi.
Jakaya Kikvete Sharqiy Afrikaning Tanzaniya davlati rahbarligiga 2005-yilda saylangan, uning ikkinchi va so‘nggi prezidentlik muddati 2015-yil oktabrida tugaydi.
Izoh (0)