23-noyabr, yakshanba kuni Afg‘oniston sharqidagi Paktika provinsiyasida o‘tkazilayotgan voleybol musobaqasida terakt sodir bo‘ldi, deya xabar bermoqda “TASS”. Natijada 50 ga yaqin kishi halok bo‘ldi, 60 dan oshiq kishi jarohat oldi.
Bir necha yuz nafar tomoshabin tashrif buyurgan voleybol musobaqalarining final uchrashuvida xudkush terrorchi portlovchi vositani ishga tushirdi. Portlash olomon orasida sodir bo‘ldi.
Provinsiya hukumati portlash faktini tasdiqladi. Ayni paytda fojia joyida tibbiy xodimlar ishlamoqda. Hech qaysi guruh ushbu terakt bo‘yicha javobgarlikni o‘z bo‘yniga olganicha yo‘q.
Izoh (0)