Rossiya prezidenti Vladimir Putin 19-noyabr, chorshanba kuni 15 ta xorijiy mamlakatning yangi tayinlangan elchilaridan ishonch yorliqlarini qabul qiladi. Bu haqda Kreml matbuot xizmati xabar bermoqda.
AQSh, Polsha, Shimoliy Koreya, Vyetnam, Turkiya, Vengriya va boshqa davlatlar elchilari bilan bir qatorda O‘zbekiston Respublikasining Rossiya Federatsiyasidagi yangi tayinlangan elchisi Akmal Saidakbarovich Kamolov Rossiya davlati rahbariga ishonch yorlig‘ini topshiradi.
Marosim Katta Kreml saroyidagi Aleksandrovskiy zalida bo‘lib o‘tadi. Rossiya prezidentiga ishonch yorliqlarini topshirgach, Rossiyadagi yangi tayinlangan xorijiy elchilar faoliyati rasmiy maqomga ega bo‘ladi.
Izoh (0)