Россия президенти Владимир Путин 19 ноябрь, чоршанба куни 15 та хорижий мамлакатнинг янги тайинланган элчиларидан ишонч ёрлиқларини қабул қилади. Бу ҳақда Кремль матбуот хизмати хабар бермоқда.
АҚШ, Польша, Шимолий Корея, Вьетнам, Туркия, Венгрия ва бошқа давлатлар элчилари билан бир қаторда Ўзбекистон Республикасининг Россия Федерациясидаги янги тайинланган элчиси Акмал Саидакбарович Камолов Россия давлати раҳбарига ишонч ёрлиғини топширади.
Маросим Катта Кремль саройидаги Александровский залида бўлиб ўтади. Россия президентига ишонч ёрлиқларини топширгач, Россиядаги янги тайинланган хорижий элчилар фаолияти расмий мақомга эга бўлади.
Изоҳ (0)