Toshkentda 2014-yil 18-noyabr kuni Shanxay hamkorlik tashkiloti Mintaqaviy aksilterror tuzilmasi (MATT) Ijroiya qo‘mitasi direktori Chjan Sinfen raisligida ShHTga a’zo davlatlar va tashkilot huzurida kuzatuvchi mamlakatlar o‘rtasida xalqaro terrorizm va ekstremizmga qarshi kurashish bo‘yicha hamkorlik masalasiga bag‘ishlangan ikkinchi ilmiy-amaliy konferensiya bo‘lib o‘tdi. Bu haqda O‘zA xabar bermoqda. Unda ShHTga a’zo davlatlar va ShHT huzurida kuzatuvchi mamlakatlarning milliy maxsus xizmatlari vakillari ishtirok etdi.
Bugungi kunda dunyoning turli mintaqalarida xalqaro terroristik tashkilotlar harakati kuchayib borayotgani ShHT makonida terrorizmga qarshi kurashish sohasidagi barqaror vaziyatga tahdid solayotgani ta’kidlandi.
ShHTga a’zo davlatlar va tashkilot huzurida kuzatuvchi mamlakatlar terrorizm xavfiga qarshi kurashishda xalqaro hamkorlikni mustahkamlashda BMTning markaziy muvofiqlashtiruvchi sifatidagi rolini yanada oshirish tarafdori ekanini ta’kidladi.
ShHT Mintaqaviy aksilterror tuzilmasi Kengashi tomonidan ma’qullangan ShHT MATT va tashkilot huzurida kuzatuvchi mamlakatlarning vakolatli organlari o‘rtasida terrorizmga qarshi o‘zaro hamkorlikni tartibga soladigan protokollar loyihalari asosida hamkorlikning ishchi mexanizmlarini ishlab chiqish haqida kelishuvga erishildi.
Izoh (0)