Hindistonda o‘tkazilgan sterilizatsiya bo‘yicha operatsiyalardan so‘ng to‘qqiz nafar ayol nobud bo‘ldi. Yana ellikdan oshig‘i kasalxonada yotibdi, ularning yarmidan ko‘pi og‘ir ahvolda deb baholanmoqda. Bu haqda Euronews xabar berdi.
8-noyabr kuni 83 nafar hindistonlik ayol ko‘ngilli ravishda bepusht qilish operatsiyasiga kelgan. Operatsiyalar tug‘ishni nazorat qilish bo‘yicha davlat dasturi doirasida o‘tkazilgan. Operatsiya qildirgan ayollarga 23 dollardan, bemorni olib kelgan tibbiyot xodimlariga esa 3 dollardan to‘langan.
Bemorlarning qarindoshlari kasalxona oldida to‘planib, davlatdan sterilizatsiya bo‘yicha kampaniyani to‘xtatish va nobud bo‘lganlar uchun tovon puli to‘lashni talab qilmoqda.
Mahalliy aholi so‘zlariga ko‘ra, bemorlarning barchasini bitta shifokor 6 soat ichida operatsiya qilgan, ya’ni har bir ayolga besh daqiqadan vaqt sarflagan.
Izoh (0)