Ҳиндистонда ўтказилган стерилизация бўйича операциялардан сўнг тўққиз нафар аёл нобуд бўлди. Яна элликдан ошиғи касалхонада ётибди, уларнинг ярмидан кўпи оғир аҳволда деб баҳоланмоқда. Бу ҳақда Euronews хабар берди.
8 ноябрь куни 83 нафар ҳиндистонлик аёл кўнгилли равишда бепушт қилиш операциясига келган. Oперaциялар туғишни назорат қилиш бўйича давлат дастури доирасида ўтказилган. Oперaция қилдирган аёлларга 23 доллардан, беморни олиб келган тиббиёт ходимларига эса 3 доллардан тўланган.
Беморларнинг қариндошлари касалхона олдида тўпланиб, давлатдан стерилизация бўйича кампанияни тўхтатиш ва нобуд бўлганлар учун товон пули тўлашни талаб қилмоқда.
Маҳаллий аҳоли сўзларига кўра, беморларнинг барчасини битта шифокор 6 соат ичида операция қилган, яъни ҳар бир аёлга беш дақиқадан вақт сарфлаган.
Изоҳ (0)