Telegram’dagi ikkita botning yozishmalarini oshkor qila olgan kishiga 300 000 dollar mukofot to‘lanadi

Telegram messenjeridagi ikkita botning suhbatini buza olgan xakerga 300 000 dollar mukofot puli beriladigan tanlov e’lon qilindi. Bu haqda LookAtMe xabariga asoslanib “Parol” nashri ma’lum qildi.

Xakerning ushbu tanlovdagi vazifasi Pol va Nik nomli botlarning o‘rtasidagi sirli suhbatni oshkor qilish va elektron pochta manzillarini bilish hisoblanadi. Ushbu tanlovda ishtirok etishni istaganlar Telegram’ning @CryptoContest nomli a’zosiga START deb yozilgan xabarni jo‘natishlari zarur bo‘ladi.

Tanlovda buyurilgan vazifani Telegram’ning serverlarini boshqarish huquqini qo‘lga kirita olgan kishigina amalga oshira oladi. Bu tanlov 2015-yilning 4-fevraliga qadar davom etadi.

Telegram avval ham messenjerining xavfsizligini buzish bilan bog‘liq ishga xakerlarni jalb qilgan edi. Unda Telegram asoschisi Pavel Durovning yozishmalarini oshkor qila olgan kishiga 200 000 dollar mukofot va’da qilingan va yakunda hech kim bu ishni amalga oshira olmagan.

Shuningdek, “Parol” nashrida quyidagi maqolalarni ham o‘qishingiz mumkin:

• Google va Apple muhandislari smayliklarni yanada turli xil qilish ustida ishlamoqda;
• Yangi Google Nexus 9 plansheti batareyasining quvvati eng uzoqqa yetadigan deb topildi;
• Apple Watch aqlli soati 14-fevral kuni 500 dan 5000 dollargacha narxda sotila boshlanishi mumkin.