AQSh, Niderlandiya va Xitoy olimlari soniyasiga 255 terabitgacha bo‘lgan tezlikda axborot uzatish qobiliyatiga ega bo‘lgan yangi tola yaratdi. O‘z tadqiqotlari natijalarini mualliflar Nature Photonics jurnalida e’lon qildi.
Yangi materialning o‘tkazuvchanlik qobiliyati eng yaxshi zamonaviy kabellarnikiga (soniyasiga 7—8 terabit) qaraganda 21 marta yuqoridir. Olimlarning tadqiqotlari shuni ko‘rsatdiki, texnologiyalar rivojlanib borgani sari axborot uzatish tezligining oshishiga bo‘lgan talab ham geometrik progressiyada oshib bormoqda.
Oddiy optik tolaning o‘zagi butun kabel bo‘ylab o‘tgan plastik yoki shishadan iboratdir. Uning atrofidagi muhit yorug‘likni o‘zidan tashqariga o‘tishiga yo‘l qo‘ymaydi.
Tadqiqotchilar so‘zlariga ko‘ra, ular standart yorug‘lik o‘tkazuvchidagi bitta o‘zak o‘rniga yettitasini ishga tushirishga muvaffaq bo‘lgan.
Shuningdek, mutaxassislar bitta tolaga har biri alohida axborotni tashuvchi bir nechta chastota kanallarini kiritgan. Biroq tolaning diametri deyarli o‘zgarmasdan qolgan.
Olimlar o‘zlarining ixtirosini ko‘p polosali yo‘lga qiyosladi, bunda bir o‘zakli tolani esa bir polosali yo‘lga tenglashtirdi.
Izoh (0)