Oyiga kamida bir marta Facebook’ka kiradigan foydalanuvchilar soni o‘tgan yilgi ko‘rsatkichdan 14 foizga oshib, 1,35 milliard kishiga yetdi. Bu haqda 2014-yilning uchinchi choragi bo‘yicha kompaniya hisobotiga tayanib, “RIA Novosti” xabar bermoqda.
Bundan tashqari, ushbu ijtimoiy tarmoqdan har kuni foydalanadiganlar soni esa 864 million kishiga yetdi (o‘tgan yil bilan taqqoslaganda 19 foizga ko‘p). Bulardan 703 million nafari Facebook’ga o‘z mobil qurilmalari orqali kiradi. Mobil qurilmalarda Facebook dasturidan foydalanuvchilarning umumiy soni esa 1,12 milliard kishini tashkil etdi (+29%).
Kompaniyaning 2014-yil uchinchi choragidagi daromadi o‘tgan yilgi ko‘rsatkichdan 59 foizga yaxshilanib, 3,2 milliard dollarga yetdi. Shuning 66 foizi ijtimoiy tarmoqning smartfon va planshetlarga mo‘ljallangan dasturidan kelib tushgan.
Izoh (0)