Telegram’даги иккита ботнинг ёзишмаларини ошкор қила олган кишига 300 000 доллар мукофот тўланади

Telegram мессенжеридаги иккита ботнинг суҳбатини буза олган хакерга 300 000 доллар мукофот пули бериладиган танлов эълон қилинди. Бу ҳақда LookAtMe хабарига асосланиб «Пароль» нашри маълум қилди.

Хакернинг ушбу танловдаги вазифаси Пол ва Ник номли ботларнинг ўртасидаги сирли суҳбатни ошкор қилиш ва электрон почта манзилларини билиш ҳисобланади. Ушбу танловда иштирок этишни истаганлар Telegram’нинг @CryptoContest номли аъзосига START деб ёзилган хабарни жўнатишлари зарур бўлади.

Танловда буюрилган вазифани Telegram’нинг серверларини бошқариш ҳуқуқини қўлга кирита олган кишигина амалга ошира олади. Бу танлов 2015 йилнинг 4 февралига қадар давом этади.

Telegram аввал ҳам мессенжерининг хавфсизлигини бузиш билан боғлиқ ишга хакерларни жалб қилган эди. Унда Telegram асосчиси Павел Дуровнинг ёзишмаларини ошкор қила олган кишига 200 000 доллар мукофот ваъда қилинган ва якунда ҳеч ким бу ишни амалга ошира олмаган.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Google ва Apple муҳандислари смайликларни янада турли хил қилиш устида ишламоқда;
• Янги Google Nexus 9 планшети батареясининг қуввати энг узоққа етадиган деб топилди;
• Apple Watch ақлли соати 14 февраль куни 500 дан 5000 долларгача нархда сотила бошланиши мумкин.