FedEx kompaniyasi uchun yuk reysini amalga oshirayotgan ikki motorli SH36 samolyoti Karib dengizida halokatga uchradi, uchuvchilardan biri vafot etdi, ikkinchisi bedarak yo‘qoldi. Bu haqda “RIA Novosti” xabar bermoqda.
Uchuvchilardan birining jasadi Avliyo Martin orolining Niderlandiyaga tegishli qismida topilgan.
Ikkinchi uchuvchini qidirish ishlari niderlandiyalik dengizchilar va fransiyalik ko‘ngillilar ishtirokida olib borilmoqda. Hodisa bo‘yicha tergov ishlarini olib borishda mahalliy hukumatga AQShlik va buyuk britaniyalik ekspertlar yordam beradi. Ta’kidlash joiz, SH36 AQShda ro‘yxatga olingan, Buyuk Britaniyada esa ishlab chiqarilgan.
Skyway Enterprises kompaniyasiga tegishli bo‘lgan samolyot pochta va kuryerlik xizmatlarini ko‘rsatish bo‘yicha jahon giganti bo‘lgan FedEx bilan tuzilgan shartnoma bo‘yicha reyslarni amalga oshirgan.
Izoh (0)